Pages

Saturday, August 18, 2018

෴෴ඉස්සරහින් බහිනෝ෴෴


නගින්න නගින්න
 138 කොටුව කඩවත,
ජොඩු ජොඩු  කොනක
කසු කුසු,
නාකි උන් බලයි
හපනවද උන් තොල

බාබුල් විටක් කා මත් උන
කොන්දා වනමින් විලක්කුව
ගිනිගෙන සර්වාංගය
ගසමින් දුම්මල
එලවයි සැමන් ටින් පරසක්වලට
මැදින් වමට වෙනවකෝ දකුණට
කියමින් මගී පිසාචයන්ව


මක්කම යන්න පාස්පෝට්
ඔෆිසියට ආ මොහොමඩ්
දඹදිව වඩින්න කඩදහි ඇන්න යන
මැගිලින්
එක්ව බනියි
සහජිවනෙන් එක හඩින්
කුරුසය කරේ දමා ගත්
බස් රියදුරු තුමාට අර්ශස්


ඕම් ඕම් ඕම්
 මෝක්ෂය
සාදු සාදු සාදු
 නිවන
ආමේන් ආමේන්
ස්වර්ගරාජ්ජය

දාඩිය දමයි
ගුද වාතය නිහඩව හමයි
හකුලමින් නාස් පුඩු
දමා මුලු වීරිය
මා
බහිනවා ඉස්සරහින්
ඕයි දාලා යනවා
අදට මා මගින්

ඕම්  ඕම්  ඕම්
  මෝක්ෂය
සාදු සාදු සාදු
   නිවන
ආමේන් ආමේන්
 ස්වර්ගරාජ්ජය


෴෴ විමු ලියනගේ෴෴

Saturday, April 21, 2018

ඌ ඉත්තෙක්



රජෙක් වූවත්
චෙස් පෙතක
ඌ ඉත්තෙක්.





෴෴සංකල්පනා෴෴
විමු ලියනගේ

Friday, April 20, 2018

ලොකු සර්


Related image



ජිවන වාලම්පුරිය
විසි කොට
රැල්ලට රුපියල් සිප්පි කටු
අහුලන කිරි කැටියෙක්
මං


෴෴සංකල්පනා෴෴
විමු ලියනගේ

Wednesday, November 15, 2017

කෙටි දිවිය සැප වැඩිය

Image result for life is shortඋපන්දිනම ගියද
යොවුන් දිනක ගියද
තරුණ දිනක ගියද
වැඩිහිටි දිනක ගියද
හැරමිටි දිනක ගියද
ජිවිතය කෙටිය

බුදු වුවද නොවුවද
ජිවිතය කෙටිය,
දේව පුත්‍රයන්ටද
නරවැසියන්ටද
ජිවිතය කෙටිය

ජිවිතය කෙටි වුවද දුක වැඩිය
දිගු උනොත්  තව දුක වැඩිය
ඒ නිසා කෙටි දිවිය
සැප වැඩිය





Wednesday, August 2, 2017

කවියක් ලියන්නට

කවියක් ලියන්නට
දමා පදමට
මහප්‍රාණ
ප්‍රාණය නිරුද්ධ
එකෙකුවත් නැතිද
ගොසිප් පුවතක
දැවටුන

උදයම පිබිදි
මහා කරුණාවෙන්
ඩෙටා කපාගෙන
ඇස් ගෙඩි නෙරාගෙන
ඇගිලි තුඩු තලා ගෙන
වල් පල් කුණු පුවත්
සොයා ගෙන
කවියක් ලියන්නට
සැරසෙන්නේ මෙමා අද,

පස් කන්දකට යටව
එහෙමත් නැතිනම්
කුණු කන්දකට යටව
නාස් පුඬු සිරව
හිරු නොදකින
රටවැසි‍යෝද,

කිඹුලෙක් නැතිනම්
දිය බරියෙක්
අරන් ගිහින් කැලි කොට
ඉතිරි උනැ
අතුනුබහන් ද
සදැසකට අමුණමි මම

මග මරුවෙක්, යකඩ යකෙක්
ආජානිය ස්කුටරයක්
බඩ උඩින් ගියපු
ජිවිතයක් රස කර කර
දුක් රසයෙන් කවි කොට
 වළදමි මං

ප්‍රේමයෙන් මන මත්වු
විවාහයෙන් යලි පන ලත්
හුස්ම ගන්න මහලු හදත්
සංස්කෘතිකව ඝාතනය කර
සංදේශයක් කොට
වළලමි මං පෙට්ටගමක් තුල

ආදරය පෙරේත කමක්
යැයි
ආදර ගාථා පැටලි
පිහි තුඩින් නිවන්පුරට
පාර පෙන්නු
කුකුල් කෙන්ති කාරයන්
නිදොස් කොට නිදහස් කරමි මං
මළ ඇය මනමේ කුමාරියක් කොට

උන්ට වෙන සෙතක් නැත
මටද ඇති වැඩක් නැත
ස්වං වින්දන කවි ලියමි
සයිබර් හිඩැසේද
පන අදිනා කඩදාසි පිටුවකද
කවියෙක්යැයි
හංවඩු ගසා ගනු පිනිසම


෴෴ විමු ලියනගේ෴෴