දුරින් පිපුනු සිනාසෙන පෙමට

නොහෙලන ඇසි පිය අතරින්

බලා හිදියි ඔබ  දෙස

කියා ගත නොහෙකි

අමුතුම රස රහසක්

නලියයි , දග කරමින්

දෙතොල් මත ,

නුහුරු රුවක් මත් කරමින්  මා දැස

කියන්නට බල කරයි

එම රහස…..

සිනා සෙන මුව මඩල

බොහොම දුරයි

මා නෙතට

නමුදු ඇසේ ලයාන්විත

සිනහ නද

සිහින ලොවින් මගේ දෙසවනට,

කොඳුරන්න එම රහස

ලංවිය හැකිනම්  මට

අද හෙටම…..

එම රහසේ මුදු බව දැනේ නම්

යම් දිනක

ඔබෙ  හදවතට

සෙමින් එය සිපගන්න

මා සිත සුවපත් වෙනු පිනිස!!!

මම රොමියෝ

සුවිසල් මැදුරක

සිනිදු විල්ලුද මත

විස බදුනට

චපලව හිනහෙන

 ඈ තමයි ජුලියට්,

 

විස බදුනට

අවංකව

හතර රියන් යට

වැලපෙන,

මම තමයි

රොමැන්ටික්වූ

රොමියෝ.

 

 

කිරට ඇය වඩියි

විදුලි මිණි පහන් කැට
       එකින් එක නෙතු පියයි
කාකි නිල මුර දරුවෝ
           මුර පොලේ නිදි කිරයි

පාලු වූ විදියේ රකුසු ඇස්
               කාමයෙන් සැරිසරයි

දිවා කල සිල් කොකුන්
               රහසින්ම  පවු  වඩයි
 
දෙනො දහක් නිදන පැය
            විලවුන් පිපිද ඉගි මරයි
සුවපිරි රථ, මොහොතකට
             සුව යහනාවන්   මවයි

කුලිය නොගෙවු කාමරයක
           බිලිදුකු මවු කිර සොයයි
හිස් වූ කුසට අහරක් නොගෙන
             පුතුගේ  කිරට  ඇය වඩියි
               
       .

   
          
               
        

කෙහෙරලි සලනා සුකුම.. ලි‍යේ

ප්‍රිය සාද හතරැස්    ..                කුටියේ
නෙක පාට විච්චූරණ..              දිලියේ
දිගු කෙහෙරලි සලනා සුකුම..     ලි‍යේ
ඔය රුවට මානෙතු                 ඇවිලේ


නොහැකි තවත් ආලය සගවා       ලන්න
මට හැකිද ඔබ වෙත ලං              වන්න
ඇසුවෙමි සෙමින්,තනිකම් දුර      ලන්න
ලැබුනෙමි කස්තිරම් කන පුරවා    ලන්න


මධුවිතට බැහැ මගේ නෙතු             රවටන්න
පෙරලා නොහැක ආදරයට අත       ඔසවන්න
දෙවියන්ටත් වරදින හැටි                  මෙන්න
මැව්වේ කිම්ද,යටි රැවුලක් ඈ සිත්     රිදවන්න

මට මාංශයක්

දිලිසෙන පොසිලේන් බඳුනක

      යහන් ගතව

වංශක්කාර හැඳි ගැරුප්පු අතින්

                  සුව සම්බාහන ලබන්නට

                                              සුරුපිනියක දිවග

                                                         සෞමව දැවෙටන්නට

                                              කොහිද වෙන උන් මෙන්

                                                        මට මාංශයක්,